विदेशबाट एक महिलाको फेसबुक एकाउन्ट ह्याक गरी महिला र उनका श्रीमानबीच भएको अन्तरंग म्यासेज देखाएर रकम बार्गेनिङ गरेको आरोपमा एक व्यक्ति पक्राउ परेका छन्।
पक्राउ पर्नेमा तनहुँको घिरिङ गाउँपालिका–१ स्थायी वतन भएका वर्ष ३५ को सन्दिप थापा मगर रहेका छन्।
उनले पीडितको फेसबुक ह्याक गरी उक्त म्यासेन्जरमा पीडित र पीडितका श्रीमान्बीच भएका कुराकानी लगायतका गतिविधि सङ्कलन तथा सेभ गरी फेक एकाउन्ट बनाएर पीडितका आफन्तलाई पठाउने गरेको पाइएको छ।
