जल तथ मौसम विज्ञान विभागले पछिल्लो तीन घण्टामा सुनसरीको तरहरा र आसपास ठूलो वर्षा भएको जनाएको छ । कोशी प्रदेशका अन्य केही स्थानमा पनि हल्का देखि मध्यम वर्षा भईरहेको छ।
महाशाखाले आज दिउँसो कोशी र बागमती प्रदेशका केही स्थानमा एवं राति कोशी प्रदेशका केही स्थानमा भारी वर्षाको अनुमान गरेको छ । यो क्रम शुक्रबारसम्म जारी रहने बताइएको छ ।
महाशाखाले असोज १० गतेदेखिको अति ठूलो वर्षाले धेरै स्थानको जमीन गलेको हुँदा सानो वर्षा थपिँदा समेत ठूलो पहिरो जानसक्ने र कुनै पनि खोलामा एक्कासी बाढी आउन सक्ने जोखिम यथावत रहेकाले सचेत रहन सबैमा आग्रह गरेको छ ।
महाशाखाले उक्त क्षेत्रमा थप वर्षा हुने सम्भावना रहेकोले सो क्षेत्र भएर बहने सर्दु, सुनसरी खोला, बुढी खोला, खेसलिया लगायत खोलामा आकस्मिक बाढी आउन सक्ने र होचो भूभाग डुबानमा पर्ने जोखिम रहेकाले सतर्क रहन सम्बन्धित क्षेत्रका बासिन्दालाई आग्रह गरेको छ ।
