राष्ट्रिय स्वतन्त्र पार्टी (रास्वपा)का सभापति रवि लामिछाने सरकारमा सहभागी हुने वा गठबन्धनमा सामेल हुने दौडमा आफू नरहेको बताएका छन् । चितवनको नारायणगढमा सोमबार बिहान पत्रकारहरुसँग उनले रवि लामिछाने गृहमन्त्री बन्न खोजेको भन्ने हल्ला चलाइएको भन्दै त्यसमा आफूलाई चासो नै नभएको बताए ।
‘यो सरकार फेरबदल हुनलाछ, यो गृहमन्त्री हुन जान लाग्यो कि क्याहो, यसलाई त ठेल्नुपर्छ कि क्या हो भन्ने सोच उहाँलाई भएको होला । तपाईंको सरकार तपाईंलाई मुबारक । म त्यो रेसमा पनि छैन, यो गठबन्धनको रेसमा पनि छैन । मलाई त्यसमा कुनै चासो छैन ।’ लामिछानेले भने । उपप्रधानसहित गृहमन्त्रालय लिएर उनी सरकारमा जान लागेको चर्चा चलिरहेका बेला लामिछानेले त्यसको खण्डन गरेका हुन् ।