हङकङ सिरिजको लागि नेपाली टिमको घोषणा भएको छ। नेपाल क्रिकेट संघ (क्यान)ले रोहित पौडेलको कप्तानीमा १४ सदस्य टोली घोषणा गरेको हो।
क्यानले शनिबार सार्वजनिक गरेको टिममा साहब आलम, नन्दन यादव र बसिर अहमदले राष्ट्रिय टिममा स्थान बनाएका छन्। त्यस्तै रिजन ढकाल पनि टिममा फर्किएका छन्। अप्रिल ९ देखि अप्रिल १३ सम्म हुने यस प्रतियोगितामा नेपालसहित चार टिमले भाग लिनेछन्। जसमा नेपाल,कुवेत,हङकङ र कतार रहनेछन्।
हङकङ टी-२० सिरिजका लागि नेपालको टिम:
रोहित पौडेल (कप्तान) आशिष शेख (विकेटकिपर), कुशल भुर्तेल, लोकेश बम, बसिर अहमद, दिपेन्द्र सिंह ऐरी, कुशल मल्ल, ललित राजबंशी, सोमपाल कामी, करण केसी, साहब आलम,नन्दन यादव, रिजन ढकाल र गुल्सन झा।
