जोस इङ्लिसको सतकमा अस्ट्रेलियाले आईसीसी च्याम्पियन्स ट्रफीमा विजयी सुरुवात गरेको छ।
शनिबार राति सम्पन्न खेलमा इङल्यान्डलाई ५ विकेटले पराजित गर्दै अस्ट्रेलियाले समूह बी मा विजय सुरुवात गरेको हो।
इङ्ल्यान्डले दिएको ३ सय ५२ रनको लक्ष्य अस्ट्रेलियाले ४७.३ ओभरमा ५ विकेटको क्षतिमा भेट्टायो।
अस्ट्रेलियाको जितमा जोसले १ सय २० रनको अविजित पारी खेले। करियरको पहिलो शतक पूरा गरेका जोसले ८६ बलमा ८ चौका र ६ छक्का प्रहार गरे। एलेक्स क्यारीले ६९ र म्याथु सर्टले ६३ रन थपे।
