निर्देशक मिलन चाम्सले नयाँ फिल्म निर्देशनको घोषणा गरेका छन्।
सोमबार थिम पोस्टर सार्वजनिक गर्दै उनले आगामी साता टाइटल घोषणा गर्ने जनाएका छन्।
गोर्खा फिल्मस् र चाम्स इन्टरटेन्मेन्टको संयुक्त लगानीमा निर्माण हुने फिल्म लभस्टोरी जनरामा बन्नेछ।
राजीव थापाको लेखनमा बन्न लागेको फिल्मका लागि कलाकार र प्राविधिक टिम छनोटको क्रममा रहेको निर्देशक चाम्सले बताए। उनले भने,’हामी स्क्रिप्टकै काममा छौं। यो प्रेम कथानक फिल्म हुनेछ। यसमा युवापुस्ताको प्रेमलाई दर्शकले देख्न पाउनुहुनेछ।’
फिल्मको छायांकन अगस्टमा लण्डन र नेपालमा गरिने जनाइएको छ।
मिलन चाम्सले यसअघि ‘वीर विक्रम, लिलीबिली, ब्लाइण्ड रक्स,गोर्खा वारियर,बबी’ जस्ता फरक-फरक जनराका फिल्म निर्देशन गरेका छन्। उनको आगामी फिल्म ‘अञ्जिला’ फागुन २९ गतेबाट प्रदर्शनमा आउने तयारीमा छ।
