नारायणगढ–मुग्लिन सडक र पृथ्वी राजमार्गको विभिन्न स्थानमा गएराति पहिरो खसेको छ । पहिरोका कारण यातायातका साधनहरु ठप्प भएका छन् ।
भरतपुर महानगरपालिका–२९ सिमलताल नजिक खसेको पहिरोले वीरगञ्जबाट काठमाण्डौतर्फ जाँदै गरेको बागमती प्रदेशको १५१६ नम्बरको एन्जल डिलक्स लेखेको यात्रु बहाक बस र काठमाण्डौबाट गौरतर्फ जांदै गरेको हाल नम्बर नखुलेको गणपति डिलक्स लेखेको बसलाई बगाएको छ । त्यस्तै, भरतपुर–२९ सत्रकिलो भन्ने स्थानमा पनि पहिरो खसेको छ । पहिरोसँगै खसेको ढुंगाले लागेर बुटवलबाट काठमाडौँ जाँदै गरेको बसका चालकको मृत्यु भएको छ ।
पहिरो पन्छाउने काम भइरहेको छ भने दुवै राजमार्ग दुईतर्फी अवरुद्ध भएका छन् ।
