अस्ट्रियालाई पराजित गर्दै टर्की युरो कपको क्वाटरफाइनलमा प्रवेश गरेको छ । गएराति भएको खेलमा अस्ट्रियालाई २–१ गोल अन्तरले पराजित गर्दै टर्कीले अन्तिम ८ मा स्थान पक्का गरेको हो ।
टर्कीका लागि दुवै गोल डिफेन्डर मरिह डेमीरालले गरेका थिए । टर्कीले अब क्वाटरफाइनलमा नेदरल्यान्ड्ससँग खेल्नेछ । नेदरल्याण्ड्सपनि रोमानियालाई पराजित गर्दै आजै क्वाटरफाइनलमा आइपुगेको हो । यो सँगै अब युरो कपको क्वार्टरफाइनल समीकरण पनि पूरा भएको छ ।
