राप्रपा नेपालका अध्यक्ष कमल थापाले पूर्वप्रधानमन्त्री एवम नेकपा एमालेका अध्यक्ष केपी शर्मा ओलीको कडा आलोचना गरेका छ्न । दरबार हत्याकाण्ड र पूर्व राजा ज्ञानेन्द्रका बारेमा गलत बोलेको भन्दै थापाले ओलीमाथि निशाना सांधेका हुन ।
थापाले ओली आफूलाई मन पर्ने नेता भएको बताउँदै सामाजिक सञ्जाल एक्समा लेखेका छन्,- ‘ओली नेतृत्वको सरकारमा रहेर राष्ट्रहितको निम्ति गरेको कामप्रति गर्व लाग्छ।तर,उहाँले दरवार हत्याकाण्ड र राजा ज्ञानेन्द्रका वारेमा हालै गरेको टिप्पणी हास्यास्पद,गैरजिम्मेवार र आपत्तिजनक छ।उहाँले मानवीय सम्वेदनशीलताको पनि ख्याल गर्नुभएन ।’
ओलीले हिजो मात्रै दरबार हत्याकाण्ड दीपेन्द्रले नगराएको र ज्ञानेन्द्र कहिल्यै राजा नभएको टिप्पणी गरेका थिए ।
