टोकियोको हानेदा विमानस्थलको धावनमार्गमा मंगलबार जापान एयरलाइन्सको विमान तटरक्षकको विमानसँग ठोक्किएर आगलागी हुँदा पाँच जनाको मृत्यु भएको सञ्चारमाध्यमले जनाएका छन् ।
एयरबस विमानमा रहेका सबै ३६७ यात्रु र १२ जना चालक दलका सदस्यलाई बाहिर निकालिएको एनएचकेले जनाएको छ। जहाजमा आठ बालबालिका पनि थिए, क्योडो न्यूजले रिपोर्ट गरेको छ। मारिएका पाँच जना तटरक्षकको विमानमा सवार थिए ।
