इंग्लिस प्रिमियर लिग फुटबलमा आर्सनल विजयी भएको छ । गएराति भएको खेलमा ब्रेन्टफोर्डलाई १–० गोलले हराउँदै आर्सनल विजयी भएको हो । आर्सनलका काई हाभर्ट्जले एक गोल गरेका थिए । खेलको ८९औँ मिनेटमा उनले गरेको गोल आर्सनलको जितका लागि निर्णायक बनेको थियो ।
यो जितसँगै १३ खेलबाट ३० अंक जोडेको आर्सनल तालिकाको शीर्षस्थानमा उक्लिएको छ । पराजित भएको ब्रेन्टफोर्ड १६ अंकका साथ एघारौँ स्थानमा छ ।
यस्तै, दोस्रो स्थानको म्यानचेस्टर सिटीको २९ र तेस्रो स्थानको लिभरपुलको २८ अंक छ ।
