पूर्वी नवलपरासीमा गाडी दुर्घटना हुँदा ६ जनाको मृत्यु भएको छ। आइतबार बिहान साढे ११ बजे बोलिङटार गाउँपालिका मालडाँडाबाट कावासोती जाँदै गरेको लु १ ज ३२७० नम्बरको जिप दुर्घटना हुँदा ६ जनाको मृत्यु भएको जिल्ला प्रहरी कार्यालयका डिएसपी बेद पौडेलले जानकारी दिए।
उनका अनुसार ७ जना सवार उक्त गाडीमा ६ जनाको घटनास्थलमै मृत्यु भएको हो। देवचुली नगरपालिका-९ स्थित एस-मोडमा चालकले गाडी घुमाउन नसक्दा घरमा गएर ठोक्किएको डिएसपी पौडेलले बताए।
