अभिनेत्री रेखा थापाको फिल्म ‘उपहार’ मा मुकुन भुषाल अनुबन्धित भएका छन्।
आइतबार निर्माण टिम र मुकुनबीच औपचारिक सम्झौता भएको हो। फिल्ममा मुकुन अनुबन्धित भएको जानकारी निर्देशक ज्ञानेन्द्र देउजाले फेसबुकमार्फत दिएका हुन्।
अभिनेता मुकुनले रेखा थापाको फिल्ममा अनुबन्धित हुन पाउँदा आफूलाई खुसी लागेकाे बताएका छन्।
रेखा फिल्म्सले निर्माण गर्न लागेको फिल्म सामाजिक कथामा बन्नेछ।
ज्ञानेन्द्र देउजाले निर्देशन गर्ने फिल्ममा रेखासँगै पूजा शर्माको मुख्य भूमिका रहनेछ। साउनको दोस्रो साताबाट छायांकन सुरू हुने फिल्म यसैवर्ष प्रदर्शन हुनेछ।
निर्देशक ज्ञानेन्द्र र मुकुनले यसअघि फिल्म ‘झिंगेदाउ’ मा सहकार्य गरेका थिए। यो फिल्म बक्स अफिसमा हिट भएको थियो।
