राजश्व अनुसन्धान विभागले त्रिभुवन अन्तर्राष्ट्रिय विमानस्थलबाट ८० देखि १ सय किलोग्रामसम्म अवैध सुन बरामद गरेको छ ।
विभागका महानिर्देशक नवराज ढुंगानाले ८० देखि १ क्विन्टल हाराहारीमा सुन बरामद भएको बताए । साथै सो प्रकरणमा तीन जनालाई पक्राउ गरेर अनुसन्धान सुरु गरिएको उनले बताए । मोटरसाइकल र स्कुटरको स्पेयर पार्ट्सको रूपमा मिसाएर हङकङबाट कार्गो गरी अवैध सुन ल्याइरहेको विशेष सूचनाका आधारमा बुधवार गठित स्पेसल टास्क फोर्सले उक्त सुन बरामद गरेको उनले बताए । उक्त सुन ओसारपसारमा संलग्न रहेका तीन जनालाई पक्राउ गरिएको छ।
