नेपाली काङ्ग्रेस निकट दर्जनौं नेता तथा कार्यकर्ताहरुले नेकपा एमालेमा प्रवेश गरेका छन् । आज दिउँसो काठमाडौँको गोकर्णेश्वर नगरपालिका -३ तारेभिरका अनिल लामा सहित करिब ५० जना काङ्ग्रेस कार्यकर्ताहरुले पार्टी परित्याग गरि एमाले रोजेका हुन् । नव प्रवेशिलाई यसै क्षेत्रका संघीय उम्मेदवार कृष्ण बहादुर राई र प्रदेशसभा २ का उम्मेदवार रामेश्वर फुयाल लगायतका नेताहरूले स्वागत गरेका छन् ।
काङ्ग्रेसले आफूहरूलाई भोटको लागि मात्र प्रयोग गर्ने गरेको र कुनै वास्ता नगरेको भन्दै उनिहरुले पार्टी त्यागेका हुन् । लामो समयदेखि काङ्ग्रेसमा आवद्ध रहेका उनीहरुले समग्र तारेभिरको विकासका लागि सोच्ने एक मात्र पार्टी एमाले भएकोले आफूहरूलाई उक्त पार्टी मन परेको उनीहरुको भनाइ छ ।
