ताप्लेजुङ मेरिङदेन गाउँपालिका २ जिदिमा का २९ वर्षीय प्रताप भन्ने आकाश लिम्बुले भरुवा बन्दुकले गोली हानी सोही स्थानका ५० वर्षीय खडक बहादुर लिम्बुको हत्या गरेका छन्।
बिहीबार बेलुका साढे ५ बजे खडक बहादुर आफ्नै घरमा बसिरहेको अबस्थामा आकाशले एक्कासि बन्दुकले गोली हानी हत्या गरेका हुन्।
उनलाई प्रहरी चौकी सान्थाक्राबाट खटिएको प्रहरी टोलीले नियन्त्रणमा लिएको छ।
आकाशले प्रयोग गरेको भरुवा बन्दुक भने घटनास्थलदेखि अन्दाजी ७० मिटर टाढा बारीमा फेला परेको जिल्ला प्रहरी कार्यालय ताप्लेजुङले जनाएको छ।
हत्या गरेको कारण भने तत्काल नखुलेको सो कार्यालयले जनाएको छ ।
