चितवनमा बाघको आक्रमणबाट एकजनाको ज्यान गएको छ । भरतपुर महानगरपालिका–१३ सिमल गैरीका ६३ वर्षे जन्हू महतोलाई बाघले आक्रमण गरेको हो । स्थानीय बेलसोर सामुदायिक वनमा घाँस काट्न गएका उनलाई बिहान ११ बजेतिर बाघले आक्रमण गरेको र आफूहरुले पौने १२ बजेतिर घटनाबारे जानकारी पाएको जिल्ला प्रहरी कार्यालय चितवनका प्रवक्ता डीएसपी सूर्यबहादुर थापाले जानकारी दिए । जन्हूको शव बाघबाट छुटाएर ल्याउने प्रयास भइरहेको डीएसपी थापाले बताए । हात्तीसहितको उद्धार टोली तथा चितवन राष्ट्रिय निकुञ्जको प्राविधिकसहितको टोली घटनास्थलमा गएर शव नियन्त्रणमा लिने प्रयास थालेको छ।